Роналдуга махсус футболка топширилди
04 ноя 2018 09:27
Янгиликлар
![](https://championat.asia/upload/storage/461079_original.jpg)
![](/upload/storage/461079_220.jpg)
Роналдуга махсус футболка топширилди
“Ювентус” президенти Андреа Аньелли “Кальяри”га қарши баҳс олдидан жамоа ҳужумчиси Криштиану Роналдуга 400 рақами туширилган махсус футболкани тақдим этди.
Бу билан Турин клуби португалиялик футболчини октябрь ойида қўлга киритган ютуғи билан табриклади. Роналду футбол тарихида Европанинг топ-5 чемпионатларида 400 та гол киритган илк футболчига айланди. А серия 9-турида “Женоа”га қарши баҳсда у айнан 400-голини дарвозага йўллади.
Айни пайтда Роналду ҳисобида топ-5 чемпионатларда киритилган 402 та гол мавжуд. У “Юве” таркибида 7 та, “Реал” таркибида Ла Лигада 311, МЮ сафида АПЛда 84 та гол уришга эришган.
Португалиялик футболчидан кейинги ўринда “Барселона” ҳужумчиси Лионель Месси бормоқда. Унинг ҳисобида 390 та гол мавжуд. Кейинги ўринларда Жимми Гривз (366), Герд Мюллер (365), Стив Блумер (317), Дикси Дин (310) жой олишган.
Ўхшаш янгиликлар
![AMP Logo](https://championat.asia/image/logo-amp.png)
Фикрлар