Роналду "Спортинг"дан хафами? Футболчи ҳар қандай ҳолатда ҳам Португалияга қайтмаслигини айтди

"Бу ерда, Саудия Арабистонида, ўзимни бахтли ҳис қиляпман. Менга яхши муносабатда бўлишмоқда, кўпчилик танқид қилаётгани ва ишонмаётганига қарамай, лига улкан салоҳиятга эга ва ўсишда давом этмоқда. Португалия чемпионатига қайтишдан маъно йўқ. Бир неча кундан кейин мен 39 ёшни қарши оламан ва яна бир йилни "Ал Насср"да ўтказаман. Ёшим қирққа етагнида вазиятга яна бир баҳо берамиз. Агар барчаси жойида бўлса ва ўзимга ишонсам, 41 балки 42 ёшгача тўп тепарман, аниқ билмайман. Бироқ Португалияга, "Спортинг"га қайтиш ҳақида гап-сўз бўлиши мумкин эмас. 

Таъкидлаб ўтамиз, Роналду Саудия Арабистонига йўл олишидан аввал, Европа Чемпионлар Лигасида ўйнайдиган жамоага ўтмоқчи бўлган ва қадрдон клуби "Спортинг"га агентлари орқали ўз хизматларини таклиф қилганди. Бироқ жамоа бош мураббийига бундай вариант маъқул келмаган ва Португалия клуби бу таклифни рад этганди.

Аввалроқ, Криштиану Роналду "Олтин тўп" ва FIFA The Best"нинг ҳаққонийлигига ортиқ ишонмаслигини маълум қилганди.