Роналду Пеленинг натижасини такрорлади
18 дек 2016 18:11
Янгиликлар

Роналду Пеленинг натижасини такрорлади

«Реал» ҳужумчиси Криштиану Роналду клублар ўртасидаги ЖЧ финалида «Кашима Антлерс»га қарши ўйинда (4:2) учта гол урди.

Шу тариқа, 31 ёшли португалиялик футболчи мусобақа финалида хет-трик қайд этган бразилиялик Пеленинг натижасини такрорлади. Пеле Қитъалараро кубоги финалида учта гол урганди, кейинроқ бу мусобақа клублар ўртасидаги Жаҳон чемпионатига айлантирилган.

Роналду клублар ўртасидаги Жаҳон чемпионатида голлари сонини 5тага етказиб мутлоқ тўпурарлар Луис Суарес ("Барселона"), Лионель Месси ("Барселона") ва Сезар Дельгадога ("Монтеррей") етиб олди.

Футболчи «Реал» сафида ўзининг 40-хет-тригини расмийлаштирди.