Роналду мухлисларига мурожаат қилди

"Диққат билан эшитинг, ҳозир айтадиганларим чин юракдан чиқмоқда. Бу платформа кўтарилганда (Роналду мухлислар қаршисига ер остидан кўтариладиган платформа орқали чиқиб келганди - таҳр.) мени бу даражада кўп одам кутиб олади деб ўйламагандим. 

Сиз - мен яна ҳаракат қилишим ва футбол ўйнашим учун мотивациясиз. Сизларсиз футболда камчилик юзага келади, чунки бизни мухлислар бошқаришади. Сиз берадиган илиқлик, мотивация ва меҳр менга ғурур бағишлайди. 

Буни тасвирлаш учун сўзларим етишмаяпти, аммо шуни айтишни истардимки: бу ерга келганингиз, гапларимни эшитганингиз учун барчангизга раҳмат. Биламан бундан кўпроғини кутгандингиз. Аммо энг асосийси - мана шундай қисқа лаҳзалар. Келганингиз учун раҳмат, мен буни жуда қадрлайман", - деди футболчи Дубайда ўтказилган Бутунжаҳон кўргазмаси вақтидаги чиқишда.