Роналду: "Ҳавотирга ўрин йўқ - "Ювентус" энг зўр жамоа"

"Бу футбол. Мен ураётган голларим учун хурсандман. Аммо икки ўйин натижаси мени ранжитди. "Парма" бизни хатоимизни кутди. Учрашув сўнггига яқин биз чуқур ҳимояландик. Муваффақиятсизликларни жамоанинг жисмоний ҳолати ёки тайёргарлик жараёнига боғламаган бўлардим. Бу шунчаки футбол. "Ювентус" энг кучли жамоа бўлгани учун барча бизни чуқур ўрганиб чиқади. Ҳамма биздан очко олиш мақсадида тўлиқ ўрганиб, таҳлил қилиб чиқади. Аммо "Ювентус" хотиржамликни йўқотмайди. Ҳавотирга ўрин йўқ. Биз ўзимизга, кучимизга, имкониятларимиз, мураббийлар штаби ва клуб ходимларига тўлиқ ишонамиз", - дея ўз фикрларини билдирди Роналду.

Эслатиб ўтамиз, "Ювентус" ўтган ҳафта Италия Кубоги чорак финалида "Аталанта"га йирик ҳисобда мағлуб бўлди ва кубокдан чиқиб кетди. А Серия доирасидаги ўйинда эса "Парма" билан голларга бой кечган баҳсда дурангга имзо чекди.

"Ювентус"га нима бўлди?