UZ

Сўнгги янгиликлар

08:25Стерлинг кечирим сўради  0 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  7 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  4 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  0 21:29Португалия терма жамоаси Евро-2024да фойдаланадиган либослар намойиш этилди  2 21:16Бруну Фернандеш: "Қоидани ўзгартириш керак"  3 20:48АПЛ клубидан 4 очко олиб ташланди  8 19:52"Ливерпуль" Мусиалани сотиб олмоқчи  4 19:25Ачерби ирқчилик можароси туфайли Италия терма жамоаси ихтиёрини тарк этди  2 18:59"Ювентус" Аллегри ўрнига 3 нафар номзодни кўриб чиқмоқда  5 18:30"Бернарду Силванинг "Сити"да қолишини истаймиз" — Гвардиола  1

Роналду "Ал-Насср"даги илк совринни қўлдан бой берди, бу Саудия Арабистони Суперкубоги. Ҳозирча 2та ўйинда гол йўқ Янгиликлар

Роналду "Ал-Насср"даги илк совринни қўлдан бой берди, бу Саудия Арабистони Суперкубоги. Ҳозирча 2та ўйинда гол йўқ

Ва 90 дақиқа ичида 12 бор тўпни йўқотиш.

"Ал-Насср" ва Криштиану Роналду Саудия Арабистони Суперкубоги ярим финалида мағлуб бўлишди. Ҳозирча янги жамоадаги илк соврин йўқ.



"Ал-Иттиҳод"га қарши 1:3, Роналду жамоаси томонидан ягона голни Андерсон Талиска киритди, у "Ал-Насср"нинг Саудия Арабистони чемпионатидаги энг яхши тўпурари (12та тўп) бўлиб турибди. Олдинроқ, 28 ёшли бразилиялик Туркиянинг "Бешиктош" ва Хитойнинг "Гуанчжоу" жамоалари сафида голлар урган. Ўйиннинг бош қаҳрамони - "Ал-Иттиҳод"нинг  бразилиялик форварди Ромариньо, унда гол+пас бўйича 1+2.

"Ал-Насср" майдонда устунлик қилди: 63% ўйин вақтида тўпга эгалик қилди, икки карра кўпроқ дарвоза томон зарба берди (9тага қарши 17та зарба), аммо "Ал-Иттиҳод"да учта голли вазият бўлди (Opta маълумотига кўра), "Ал-Насср"да эса умуман бўлмади.

"Ал-Насср"нинг 14 ўйинлик мағлубиятсиз серияси тўхтатилди, аммо "Ал-Иттиҳод"нинг "Ал-Насср"га қарши серияси давом этди - 10та ўйин (6 ғалаба ва 4 дуранг).


Роналду қандай ўйнади?



Криштиану тўлиқ 90 дақиқа ҳаракат қилди, иккита зарба берди, тўп билан 44та ҳаракат (кўп эмас: солиштириш учун, майдонда бир тайм ўйнаган шериги Гонсало Мартинесда тўп билан 40та ҳаракат).

Қолган статистикалар ҳам яхши эмас: 28та уринишдан 22та аниқ пас, тўрттадан тўртта муваффақиятсиз кросслар, юқоридаги курашда бештадан битта ғалаба, икки имкониятдан бир бор рақибидан ўтиб кетди, 12 бор тўпни йўқотди.

Шунингдек кутилмаган саломлар олди - "Ал-Иттиҳод" мухлислари "Месси!" деб қичқиришди.

Энди бошқа солиштиришларга ўтамиз. Масалан, "Ал-Иттиҳод" форварди Абдеразак Амдалла билан. У майдонни голсиз тарк этмади.



Нега Суперкубокда бирдан финал эмас, ярим финаллар ўйналмоқда?

Турнир илк бор тўртта жамоа форматида ўтказилмоқда - уч жамоа ўтган мавсум жадвалдаги топ-3 сифатида олинади, уларга эса Кубок соҳиби қўшилади. "Ал-Насср" 2022 йилни учинчи бўлиб якунлагани учун бу ерга келган.



"Ал-Насср" тўққизтадан (2013 йилдан бери) иккита Суперкубокни ютган, шунингдек икки бор ҳал қилувчи ўйинда ҳаракат қилган.

Бошқа бир ярим финалда "Ал-Фейха" "Ал-Хилол"ни мағлуб этди. Финал Роналду ва "Ал-Насср"сиз ўтади.


Роналду ва "Ал-Насср"нинг яна қандай режалари бор?



Жорий мавсум яна иккита совринга имконият қолди.

1. Саудия Арабистони чемпионати. Клуб 14 турдан сўнг чемпионатда етакчилик қилмоқда, улар ҳаммадан кўп уришган (28) ва энг кам тўп ўтказиб юборишган (6). 33 очко, "Ал-Хилол"да 32 (ва битта ўйин кўп), "Ал-Иттиҳод"да 31та. "Ал-Насср" сўнгги бор 2019 йилда чемпион бўлган.

2. Қирол кубоги. У ерда "Абха"га қарши чорак финал. "Ал-Насср" ушбу кубокни анчадан бери, аниқроғи 1990 йилдан бери қўлга киритмаган. Аммо, ўша йилдан 2008 йилгача турнир ўтказилмаган, аммо сўнгги 15та мусобақада турли хил етти клуб ғалаба қозонди, "Ал-Насср" эса уларнинг қаторида эмас.

Роналду Осиё Чемпионлар лигаси плей-оффида ўйнамайди. Сабаби оддий: у ерда "Ал-Насср" йўқ. ЧЛ-2022да мамлакатдан Кубок эгаси, шунингдек 2020/21 йилги мавсум Саудия Арабистони лигасида биринчи, иккинчи ва тўртинчи ўринни эгаллаган жамоалар чиқишди. Нега тўртинчиси? Сабаби учинчи ўринни эгаллаган жамоа лицензиялашдан ўтмаган.



"Ал-Насср" унда умуман олтинчи ўринни эгаллади, аммо тўртинчи ўрингача икки очкогина етмади. ОФК Кубоги (қитъанинг иккинчи турнири)да эса Осиё топ-чемпионатларидан жамоалар ўйнамайди.


Sports.ru сайтидан Алишер Остонов таржимаси

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика