Роберт Варела: "Биринчи бўлимдан хафсалам пир бўлди"

"Биринчи бўлимдан хафсалам пир бўлди. Ўз дарвозамиз ёнида рақиб босим устида ушлаб турди. Иккинчи бўлимда ўйинимиз яхшиланди. Бунинг натижасида иккита гол уришга эришдик. Гол ўтказиб юборгач биз ҳисобни тенглаштириб олишимиз муҳим эди", - дейди мураббий.

- Бугун Япония ҳам, Австралия ҳам ғалаба қозонди.

- Қатарнинг ўйинини кўрдим. Жамоанинг ўйини жуда кучайган. Бу жамоанинг тактикасига ўзимиз алоҳида тактика ишлаб чиқиб чиқишимиз керак бўлади.

- Бугунги ўйинда Австралия терма жамоаси ўйинида нима яхши таассурот қолдирди?

- Иккинчи бўлимдаги шижоат. Бу мусобақада биз кучли таркиб билан қатнашмаяпмиз. Таркиб борасида бошқа рақибларга ютқазармиз, аммо тўғри тактика ва ҳимоядаги яхши ўйин эвазига ғалаба қозонишга эришамиз. Бугун иккинчи бўлимда биринчи бўлимдагидан кўра камроқ хато қилдик.

- Бир неча кундан буён Тошкентда бўлиб турибсиз. Кўника олмаётган нарса борми?

- Тошкентга келганимизда об ҳаво илиқ эди, кейин эса бирдан совуб кетди. Балки вақтлар ўртасидаги тафовутга кўника олмаётгандирман. Аммо умуман олганда барчаси ажойиб.

Нарзулла Сайдуллаев