"Мен ўзимга келажакда нима қилишни ҳал қилиш учун тахминан уч ой вақт бераман. "Барселона" бизга барча зарур нарсаларни таъминламоқда, мен ва оилам бу ерда ўзимизни жуда қулай ҳис қиляпмиз", — деди Левандовски Sky Sports га берган интервьюсида.
37 ёшли футболчи билан шартнома июнь ойигача амал қилади. Жорий мавсумда у 32 та ўйин ўтказиб, 14 та гол урди ва 1 та голли узатма берди.
Ҳозирда "Барселона" Испания чемпионати турнир жадвалида 64 очко билан биринчи ўринни эгаллаб турибди. Мадриднинг "Реал" жамоаси 63 очко билан иккинчи ўринда бормоқда.
