Рио-2016да Ўзбекистонга медаль тақдим этиши мумкин бўлган спортчилар – Денис Истомин!
06 июл 2016 08:00
Янгиликлар

Рио-2016да Ўзбекистонга медаль тақдим этиши мумкин бўлган спортчилар – Денис Истомин!

Рио-2016 Олимпиадасига йўлланма олган спортчиларимизни таништиришда давом этамиз.

Бугун қаҳрамонимиз мамлакатимизнинг биринчи рақамли теннисчиси – Денис Истомин!

Денис Истомин – 1986 йилнинг 7 сентябрь куни туғилган. Теннис билан шуғулланишни 5 ёшидан бошлаган. Мана бир неча йилдирки, унинг ҳам инсон, ҳам спортчи сифатидаги тарбияси билан онаси – Клавдия Истомина шуғулланади. Клавдия ҳоним турнирларда ҳамиша ўғлига мураббийи сифатида ҳамроҳлик қилади.

Лекин Дениснинг фаолияти бир текис, ўзи кутганчалик бўлмади. 2001 йилда “Фьючерс” туркумига кирувчи мусобақалардан бирига кетаётиб, Денис автофалокатга учрайди. Натижада у бир неча йил давомида профессионал теннисчи сифатидаги фаолиятини тўхтатиб туришга мажбур бўлди. Истомин орадан икки йил ўтибгина катта теннисга қайтди. 2004 йилдан у ўз маҳоратини ошириш устида тинимсиз ишлайди ва яхши натижалар кўрсата бошлайди. 2005-2011 йиллар давомида Денис Истомин “Челленжер” ва “Фьючерс” туркумларига кирувчи турнирларнинг яккалик баҳсларида айтишга арзигулик муваффақиятларни қўлга киритди. Жуфтлик баҳсларида 15 маротаба финалда иштирок этди. Шундан 11тасида зафар қучиб, шериги билан бош мукофотга эга чиққан.

Денис терма жамоамизнинг биринчи рақамли теннисчиси сифатида ҳам номига мос тарзда ютуқларга эришди. Жумладан, 2010 йили у...