Риберининг агенти: "Локо" билан музокаралар давом этмоқда, аммо Франкнинг оиласига Россияда қийин бўлади"
13 авг 2019 13:11
Янгиликлар

Риберининг агенти: "Локо" билан музокаралар давом этмоқда, аммо Франкнинг оиласига Россияда қийин бўлади"

Ярим ҳимоячи Франк Риберининг агенти Жан-Пьер Берне мижози Москванинг "Локомотив" клубига ўтишини истисно қилмади.

- Айтганимдек, "Локомотив" Франкнинг хизматларига қизиқиш билдирмоқда. Таклифга рад жавоби берилгани йўқ, музокаралар давом этмоқда.

Аммо, кўп нарса хавфсизликка боғлиқ, чунки Франкнинг оиласига Россияга кўчиб ўтиш қийин кечади. Оила эса унинг учун биринчи ўринда туради. Шундай экан, охирги сўзни ундан эшитамиз, - дейди футболчининг агенти.

Рибери якунланган мавсум "Бавария" сафида 38та ўйинда майдонга тушиб, 7та гол ва 4та ассистга эришган.

Футболчи фаолиятини Франциянинг "Булонь" клубида бошлаган. У "Бавария" ва "Булонь"дан ташқари "Олимпик Алес", "Брест", "Мец", "Галатасарой" ва "Марсель" каби жамоаларда ҳам ўйнаган.