"Реал" ва "Бавария" Доннарумма учун курашга киришиши мумкин
07 июн 2025 19:58
Янгиликлар

"Реал" ва "Бавария" Доннарумма учун курашга киришиши мумкин

ПСЖ дарвозабони Жанлуижи Доннарумма янги шартнома (амалдагиси 2026 йилнинг ёзида тугайди) бўйича музокаралар муваффақиятсиз якунланган тақдирда Париж клубини тарк этиши мумкин.

Ҳозирча, француз гранди 26 ёшли дарвозабонга янги келишув бўйича йилига 10 млн евродан кўпроқ тўлашга тайёрми ёки йўқ, буниси номаълум.

Доннаруммага 39 ёшли Мануэль Нойерга ўринбосар излаётган "Бавария" қизиқмоқда. Шунингдек, италиялик футболчини 33 ёшли Тибо Куртуа ўрнига Мадриднинг "Реал" клуби ҳам кузатиб бормоқда. 26 ёшли дарвозабонга Англия чемпионатидан қизиқиш борлиги айтилмоқда, аммо аниқ клублар номи келтирилмаган.

Доннарумма ўтган мавсум барча турнирларда 40 та ўйинда майдонга тушиб, шундан 12 тасини "қуруқ" ўтказди. Transfermarkt порталида келтирилган маълумотларга кўра, футболчининг бозор нархи 40 млн еврони ташкил этади.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: