“Реал” Неймарни сотиб олиш тараддудида

Жамоани Роналду тарк этгач, қироллик клуби раҳбариятининг 26 ёшли бразилиялик футболчига бўлган қизиқиши янада ортган.

Шу кунларда мадридликларнинг вакили Сантосга йўл олиб, Неймарнинг отаси ва агенти билан музокараларни бошлайди.

Аммо футболчининг Испанияга қайтишини қийинлаштирадиган жараёнлардан бири бу унинг “ПСЖ” билан 2022 йилгача амал қиладиган шартномасида товон пулининг ёзилмаганлигидир. Бир йил илгари Неймар 222 миллион евро эвазига “Барселона”дан “ПСЖ”га кўчиб ўтганди.

“Катта эҳтимол билан бу галги трансфер ойнасида бўлмасада, кейингисида унинг “Реал”га ўтиши амалга ошади”, дейди футболчига яқин манба.