"Реал" "Милан" ҳимоячисига кўз тикди

"Реал" "Милан" ҳимоячиси Фикайо Томори хизматларига қизиқиш билдирмоқда, деб хабар берди "Calciomercato". Мадридликлар кўп қиррали ҳимоячи Начо Фернандес билан янги шартнома бўйича музокаралар боши берк кўрага кириб қолгани боис бошқа вариантларни кўриб чиқишмоқда.

У кетган тақдирда Давид Алаба ҳимоянинг чап қанотида Ферлан Мендига муқобил бўлади. Бироқ австриялик футболчи биринчи навбатда марказий ҳимоячи сифатида қаралади. Шу боис кенгайтирилган таркибни сақлаб қолиш учун "Реал" Фикайо Томори вариантини кўриб чиқа бошлади.