Карло Анчелотти жамоаси Испания чемпионати 34-турида "Хетафе"ни таслим (1:0) қилди ва 71 очко тўплади. Бешинчи ўриндаги "Вильярреал" билан фарқ чемпионат тугашига 4та тур қолганида 14 очкони ташкил этмоқда.
Сўнгги бор Мадрид клуби 1996/97 йилги мавсумда ЕЧЛга чиқа олмаганди. Кетма-кет 27 мавсум ушбу мусобақада ўйнаш - Европадаги энг узун серия ҳисобланади. Иккинчи ўринда кетма-кет 20-мавсум ЕЧЛга чиққан "Барселона" бормоқда.
