"Реал" ФИФА қоидаларини бузмаганлиги ҳақида расмий хабар берди

ФИФА "Қироллик клуби"да вояга етмаган футболчиларнинг трансфери борасида текширув ишларини олиб бораётган эди. Шу сабабли ФИФА Испания футбол федерациясидан "қаймоқранглилар"нинг трансферларга оид барча ҳужжатларини тақдим этишни талаб қилди.

"Реал"нинг расмий хабарида, шундай дейилади: "Реал" ёш, вояга етмаган футболчиларнинг ҳимояси ва барча трансферларда қоидаларга риоя қилиш тарафдоридир. Белгиланган муддат ичида "Реал" сўралган барча ҳужжатларни тақдим этди. ФИФА 51 нафар футболчи ҳақида ҳисобот сўради. Улардан бири рўйхатда икки марта қайд этилган. 10 нафар футболчи испанлар, 6 нафари вояга етганлар, 2 нафар футболчи ФИФА розилигидан сўнг жамоага қўшилган ва яна 2 нафари амалдаги қонун кучга киришидан олдин рўйхатга олинган. 23 нафар футболчи испан клубларига қарашли. Икки нафар футболчи "Реал"да ҳеч қачон бўлмаган, яна 4 нафар футболчи рўйхатда истисно қилинган. Қуйида келтирилган маълумотлар "ФИФА"нинг барча қоидаларига тўғри келади".