"Реал" Чуаменининг харидидан воз кечди

Ўйинчи учун олдинроқ "Реал" даъвогарлик қилган эди, аммо мадридликлар трансферни рад этишди, бу ҳақда журналист Фабрис Хокинс хабар бермоқда.

"Реал" 22 ёшли ўйинчини харид қилишдан маъно кўрмаяпти, сабаб ярим ҳимоя чизиғи билан муаммо йўқ ва француз шунчаки етарли ўйин амалиёти олмайди.

Чуаменининг "Монако" билан шартномаси 2024 йилнинг ёзига қадар мўлжалланган. Футболчи жорий мавсум барча мусобақаларда 48та ўйинда майдонга тушиб, 5та гол ва 2та ассист қайд этди.