"Реал" Асенсио билан шартномани узайтиришга яқин

Бу ҳақда Испаниянинг "Marca" нашри хабар берди.

Манбага кўра, ҳар икки томон ҳам янги келишув бўйича музокараларда сезиларли муваффақиятга эришган. Олдинроқ яқин орада бошланадиган Жаҳон чемпионати танаффуси вақтида музокаралар бошланиши ҳақида хабарлар тарқалган эди.

Асенсионинг "қироллик клуби" билан амалдаги битими мавсум охирида якунига этади. Бир қанча клублар футболчини келаси ёзда эркин агент сифатида трансфер қилишдан манфаатдор, жумладан, Италия чемпиони "Милан".