"Реал" афсонавий дарвозабон вафот этганини эълон қилди
29 сен 12:55
Янгиликлар

"Реал" афсонавий дарвозабон вафот этганини эълон қилди

Мадриднинг "Реал" клуби афсонавий дарвозабон Хосе Аракистан ҳаётдан кўз юмгани ҳақида хабар берди.

"Қироллик клуби" тарихидаги улуғ дарвозабонлардан бири 88 ёшида оламдан ўтди.

Аракистан 1961 йилдан 1968 йилгача "Реал" сафида тўп тепган ва бир марта Европа Чемпионлари Кубоги, олти марта Испания чемпионати ва бир марта Испания Кубогини қўлга киритган.

Аракистон "қаймоқранглилар" учун 97 ўйин ўтказган. У 1966 йилда Брюсселда "Реал"ни олтинчи еврокубокдаги ғалабасига олиб келган дарвозабон бўлган. Шунингдек, Испания терма жамоасида олти марта ўйнаган.

Эслатиб ўтамиз, "Реал" 30 сентябрь куни Чемпионлар Лигаси доирасида Олмаотанинг "Қайрат" жамоаси билан ўйнайди. Аввалроқ мазкур баҳсни бошқариб борадиган ҳакам маълум қилинган эди.

Ҳавола :

Манба : realmadrid.com

Янгиликларни Телеграмда ўқинг!

Рейтинг: +2