Ража Наингголан: «Маттьеллога жароҳат етказмоқчи эмасдим» ВИДЕО
09 мар 2015 10:01
Янгиликлар

Ража Наингголан: «Маттьеллога жароҳат етказмоқчи эмасдим» ВИДЕО

«Рома» ярим ҳимоячиси Ража Наингголан «Кьево»га қарши ўйиндан сўнг (0:0) рақиб футболчиси Федерико Маттьеллонинг жароҳати борасида ўз фикрларини билдирди.

«Тўқнашув вақтида ҳакам бизга жарима тўпи беради деб ўйладим. Аммо «Кьево» захира ўриндиғига қараб жароҳат бўлганини тушундим.

Ўйиндан сўнг видеони кўриб чиқдим. У ҳам, мен ҳам тўпга ташландик. Аммо Маттьелло йиқилаётганида оёғи менинг оёғим орасида қолиб кетган экан. Жуда ёш футболчи, шу боис унга ачинаяпман. Унга барча яхши тилакларимни билдираман.

«Кьево» вакилларидан унинг телефон рақамини олдим, Федерикога қўнғироқ қиламан», – дейди бельгиялик футболчи.

TAS-IX эмас