Райола Погба учун "Реал" ва "Барселона" ўртасида аукцион уюштирмоқчи
02 окт 2021 15:38
Янгиликлар

Райола Погба учун "Реал" ва "Барселона" ўртасида аукцион уюштирмоқчи

"Манчестер Юнайтед" ярим ҳимоячиси Поль Погба фаолиятини Испанияда давом эттириши мумкин.

МЮнинг 28 ёшли футболчи билан келишувни узайтириш истагига қарамай, Полнинг ўзи ва агенти клубни ўзгартирмоқчи. Бу ҳақда "El Nacional" нашри хабар берди.

Мино Райола кейинги мавсум Погба охирги катта шартномага эга бўлиши мумкинлигини тушуниб турибди. Ва бу катта келишув агентга яхшигина комиссия пули келтиради. Француз футболчисига ЛаЛигага ўтиш қизиқроқ.

Райола "Реал" ва "Барселона" ўртасида аукцион уюштирмоқчи. Бундан мақсад эса ўзига каттароқ миқдорда пул ундириш.

Ҳозир "Реал" Погба учун курашда фаворит сифатида қаралмоқда, лекин Райола ўйинчини "Барса"да кўрмоқчи бўлаётган Лапорта ("Барселона" президенти) билан ҳам гаплашишда давом этяпти.