UZ

Сўнгги янгиликлар

13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  16 08:21Депайнинг агенти: «Бу ёлғон»  10 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0 07:28Суперлига. Бугун ғалаба қозонмаганларнинг тўқнашувига гувоҳ бўламиз  4

Равшан Ҳайдаров: "Матонат кўрсатишгани учун йигитларга раҳмат айтаман ва улар билан фахрланаман!" Янгиликлар

Равшан Ҳайдаров: "Матонат кўрсатишгани учун йигитларга раҳмат айтаман ва улар билан фахрланаман!"

U-20 Осиё Кубоги ярим финалидан ўрин олган Ўзбекистон – Корея Республикаси (0:0, пенальтилар бўйича – 3:1) учрашувидан кейин Ўзбекистон ёшлар термаси устози Равшан Ҳайдаров ва бугун қаҳрамонлик қилган дарвозабон Отабек Боймуродов фикрларини билдирди.

"Аввало, ҳаммани – мухлислар, футболчилар ва мураббийларни финалга чиққанимиз билан табриклайман! Бугун бир-бирига мос, тенг кучли жамоалар тўқнаш келиб, шиддаткор ўйин кўрсатишди. Жуда кўп вазиятлар яратдик. Аммо пенальтилар сериясига қадар етиб бордик ва дарвозабонимиз унда ўзини кўрсатди. Ўйинда бизда кўпроқ вазиятлар бўлди. Ғалаба бизга ҳақли равишда насиб қилди. Матонат кўрсатишгани учун йигитларга раҳмат айтаман ва улар билан фахрланаман!", – деди Равшан Ҳайдаров.

"Фантастик эмоцияларни бошдан кечиряпмиз. Жамоадошларим билан фахрланаман. Биз оиламиз ва ватанимиз учун боримизни бердик.

Жамоамизни финалга олиб чиқиш мен учун шараф. Оилам ҳар бир ўйинни стадиондан кузатмоқда. Уларнинг кўз ўнгида бунга эришиш жуда ёқимли", – деди Отабек Боймуродов. 

- Бугун захирадан тушган футболчилар ўйинга киришиб кетишда қийналишди. Улар ишончни оқламадими?

- Йўқ, бундай деб ўйламайман. Улар эвазига ўйинни ўз томонимизга оғдирдик. Захирадан тушганлар ўйинни кучайтиришди ва уларда талайгина имкониятлар юзага келди. Улар ўйинда киришиб кета олмади деб ўйламайман. Ҳа, Жўрабоев бироз қийналди, кейин уни сариқ карточка олгани учун алмаштирдим. Биз ўзгаришларни тўғри амалга оширдик деб ўйлайман.  

- Жароҳат олган Холдорхонов ва Асқаров ҳақида қандайдир маълумотларга эгамисиз? Улар тўлиқ тикланмаса-да, финалда ўйнатасизми?

- Улар билан тиббий ходимлар шуғулланишмоқда. Тезроқ тиклашга ҳаракат қилишади, ҳозир бир нима деб бўлмайди. Эртага кўрамиз. Агар улар тикланишса ва жароҳат халақит қилмаса, кейинги баҳсда ўйнашади. 

- Сиз бошқа матбуот анжуманларида ҳам вазиятлар кўп яратяпмиз, аммо ундан фойдалана олмаяпмиз дедингиз. Финалда нима қиласиз?

- Ҳа, албатта. Вазиятлар яратяпмиз, шу мени қониқтиряпти. Фақат охирги нуқтани қўйишда қийналдик.

- Отабекка савол. Австралия билан ўйинда қўлингизда қўлланма бор эди. Бугунги тайёргарлик қанақа эди?  

- Бу гал шунчаки импровизация эди. Ҳеч қандай қўлланма йўқ эди (кулади).

- Бугун доимгидек стадиондаги атмосфера ажойиб эди. Футболчиларга босимга дош бера олиши учун қандай кўрсатмалар беряпсиз?

- Мухлисларга раҳмат. Тўла мухлисларга эга стадионда ўйнаш фахрланарли. Албатта, қийинчилиги ҳам бор, босим бўлади. Уругвай каби давлатларга бориб, бу бўйича руҳан ишлагандик ва бунга урғу бергандик. Бир тарафдан, бу масъулият бағишлайди. Биз бундай атмосферадан куч олиш ва завқланишни ўрганишимиз керак. 

- Ўзбекистон ёшлар термаси чорак ва ярим финалларда қўшимча таймларгача борди. Жамоа финал олдидан кўп куч йўқотиб қўймадими?

- Албатта, бунга тайёргарлик кўрганмиз. Куч йўқотиляпти, албатта. Лекин, ўйлайманки, тикланиб оламиз. Кийиниш хонасида байрамни тўхтатдик. Тикланиш ишлари давом этади. 

Йигитлар ёш, уларга машғулот жараёнида ҳаммасини тўғри тушунтириб боряпмиз. 

Жисмоний тайёргарлик бўйича мураббийимизга раҳмат. Охирги икки ўйинда рақиблардан кам жойимиз кўринмади. Биз ҳар тарафлама – ҳам жисмонан, ҳам тактик жиҳатдан кучли бўлишимиз керак. 

- Май ойида U-20 термамизни Жаҳон чемпионати кутмоқда. Улар билан ишлашда давом этасизми ёки бошқа ёш тоифасидаги термада фаолият юритасизми?

- Қайси жамоа бўлмасин, ишлашда давом этамиз. Ҳозир бутун вужудим билан шу жамоага эътиборимни қаратганман. Эртага нима бўлишини Худо билади. Охирги 10 йилдаги фаолиятимдан келиб чиқсак, ўзимга лойиқ жамоадаман деб ўйлайман. Бу ёш тоифасидаги футболчиларни асосий миллий терма жамоамизга етиштиришимиз лозим. Жаҳон чемпионатлари ва халқаро турнирларда қатнашиб, футболчиларимиз ва футболимиз савияси ўсади. Бу ёшларимиз ўсиши учун катта босқич бўлади. Аввал U-23, кейин терма жамоага йўл оладилар. Ҳозирги мақсадимиз – тизимли ишлашни йўлга қўйиш.

Рейтинг: +49   

Фикрлар

championat.asia
< сўнгги янгиликларни кўриш
Яндекс.Метрика