Равшан Ҳайдаров: "Ҳеч қачон рақибларга паст назар билан қараш керак эмас"
27 авг 2025 23:25
Янгиликлар

Равшан Ҳайдаров: "Ҳеч қачон рақибларга паст назар билан қараш керак эмас"

Ўзбекистон U-23 терма жамоаси бош мураббийи Равшан Ҳайдаров йиғин ва Осиё кубоги саралаш босқичига тайёргарлик хусусида фикр билдирди.

"Осиё Кубоги саралаш босқичига йил давомида тайёргарлик жараёнини олиб бормоқдамиз. Ҳозирги йиғинимиз олдимизга қўйган жиддий мақсадларни амалга ошириш учун қилинмоқда. Йигитларнинг ҳолати ҳам, кайфияти ҳам аъло даражада. Уларнинг кўпчилиги клубларида асосий ўйинчига айланиб боряпти. Бу қувонарли ҳолат.
Йигитлар йиғинга МТЖдан кейинги терма жамоада ўйнашларини ҳисобга олган ҳолда келишади. Шунинг учун уларнинг кайфияти юқори. Улар МТЖда ўйнашни ўз олдига мақсад қилиб қўйган.
Ҳеч қачон рақибларга паст назар билан қараш керак эмас. Авваламбор, ўз ўйинимизни шакллантиришимиз керак, кейин рақибни ўрганиш лозим. Фаластин анча вақтдан бери тайёрланяпти, яқинда Қирғиз Республикаси билан ҳам ўйнади. Рақиблар тўғрисида янги-янги маълумотларни тўплаяпмиз", – деди тажрибали мутахассис.

Эслатиб ўтамиз, жамоа 30 август санасида У-23 Осиё Кубоги саралашида иштирок этиш учун Бишкекка йўл олади. Равшан Ҳайдаров шогирдлари саралашда Шри-Ланка, Қирғиз Республикаси ва Фаластинга қарши баҳс юритади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +2