Равшан Ҳайдаров: "Маҳорат бобида "Бунёдкор" устунлик қилди"

"Учрашувга тайёргарлик жараёни кўнгилгидек ўтгани йўқ. Сабаби ўтган турда, "Сўғдиёна" билан бўлган ўйинда кескин ўтиб бир қатор футболчиларимиз жароҳат олишганди. Шу боис ҳам мияси чайқалган Ғулом Ўрунов бугун ўйнай олмади.

Мухлисларни хурсанд қилиш истаги билан майдонга тушгандик. Маҳорат бобида "Бунёдкор" устунлик қилди. Лекин вақти-вақти билан чиройли ўйин кўрсата олдик. Бобожоновнинг зарбасидан сўнг рақиб посбони яхши ҳаракат қилди. Биз боримизни бердик. Вазиятга реал қараш керак. "Қалдирғочлар" сафида кўплаб етакчи футболчилар бор. Уларда захирадан тушган футболчилар ўйинни кучайтиришди. Бизда эса захирамиз бироз қисқа бўлгани панд берди. Шотурсунов, Ўрунов ўйнай олишмади. Бугун майдон марказида ўйинни бошқара оладиган футболчи етишмади.

Зайниддин Тожиев ва Асрор Алиқуловнинг тезлигига эмас, уларнинг тажрибасига таянмоқдамиз. Яқин орада уларнинг ўрнига ёш футболчилар чиқишади. Бу икки футболчи жамоага катта фойда келтирмоқда", - дейди Равшан Ҳайдаров.