Равшан Ҳайдаров: "Ҳали жамоамиз барқарор ўйин кўрсатишга тайёр эмас"

Дастлаб саволларга меҳмонлар бош мураббийи Равшан Ҳайдаров жавоб бериб ўтди.

"Бугунги ўйинга баҳо беришдан олдин тайёргарлик яхши бўлганини ва кайфият яхши бўлганлигини айтиб ўтишим керак. Ўйинни яхши бошладик ва тактика бажарилаётган эди. Ҳали жамоамиз барқарор ўйин кўрсатишга тайёр эмас. Тўп назоратини ҳам "Бунёдкор"га бериб қўйдик. Ҳимояга эътибор қилганимиз бизга панд берди" - дея ўйин ҳақида ўз фикрларини билдириб ўтади Равшан Ҳайдаров

- Лекин ўйиндан олдин ҳам ҳимояга чуқур ётиш кўрсатмаси берилдими?
- Йўқ албатта. Лекин ўйлаган мақсадимизга ета олмадик.

- Акмал Бозоровни биринчи бўлимда алмаштиришга сабаб Жасур Ҳасановга ўйинни бой беришимиди?
- Йўқ у жароҳат олди. Тан олиш керак Ҳасанов ва Рашидов қанотларда яхши ўйин кўрсатишди.

- Жамоамиз кейинги турда "Пахтакор"га қарши навбатдаги тур учрашувини ўтказади. Унгача таркиб қандай кўриниш олади?
- Ўйлашимча ҳали ҳеч қандай музокаралар бўлгани йўқ. Ўйлайманки "Пахтакор"дан борган ўйинчилар майдонга туша олади. Унгача жароҳатланган ўйинчилар ҳам сафга қайтиб қолади. Ҳар йили ҳар хил таркиб билан ўйнаш қийин ва буни раҳбарият билан гаплашиб кўрамиз. Совриндорлар учун курашувчи жамоа етиштирмоқчиман.