Равшан Ҳайдаров: "Динамо" ўз устунлигини амалда кўрсатиб кейинги босқичга чиқди"

"Ўзбекистон кубоги 1/16 финалида "Гулистон"га қарши ўйинда аралаш таркиб билан ўйнадик. Бунга бир қатор жароҳатлар сабаб бўлди. Учрашув бизнинг устунлигимизда ўтди. Фақат 2:0 ҳисобида олдинда бораётганимизда йигитларимиз бироз бўшашишди ва гол ўтказиб юбордик. Бу ҳаяжонланишга ва асабийлашишга олиб келди. "Динамо" ўз устунлигини амалда кўрсатиб кейинги босқичга чиқди", - деб гап бошлади Равшан Ҳайдаров.

"Гулистон"да ёш йигитлар кўп. Улар орасида тажрибали Константин Боев, Рустам Қодиров, Акбар Саттаев каби футболчилар ёшларни ўсишига ёрдам беришади".

"Динамо"да асосий таркиб ўзагини сақлаб қолганмиз. Бир нечта янги футболчилар олиб келдик. Ўз олдимизга юксак мақсадларни қўйиб мавсумни бошладик. Мавсумни муваффақиятли бошладик деб айтсак бўлади. Лекин ҳозиргача ҳеч бир ўйинда умуман осон баҳс бўлгани йўқ. "Динамо" футболчилари бир жамоа эканлиги ва характер борлигини намойиш этиб ғалабаларга эришдик".


Энвер Гафаров ёзиб олди.