Равшан Бозоров: "Мухлислар ҳужумкор учрашувнинг гувоҳига айланишди"
05 май 2016 19:32
Янгиликлар

Равшан Бозоров: "Мухлислар ҳужумкор учрашувнинг гувоҳига айланишди"

Ўзбекистон Биринчилигининг 7-туридан ўрин олган "Оқ-тепа" - "Норин" (2:2) учрашувидан кейин меҳмонлар бош мураббийи Равшан Бозоровнинг фикрлари билан қизиқдик.

- Ўйин ҳақида нима дейишим мумкин? Биринчи бўлимда устунлик мезбонлар тарафида бўлди. Танаффусдан кейин вазият тенглашди, аммо биз рақиб дарвозаси олдида кўпроқ хавфли ҳужумларни юзага келтирдик. Юз фоизли имкониятларимиз кўп бўлди. Натижани ўйинга мос бўлди, деса бўлади, бироқ айтганимдек, голли вазиятлар бизда кўпроқ эди. Фикримча, бугунги баҳс барчага ёқди. Айниқса, стадионга ташриф буюрган ишқибозларга манзур бўлди, деб ўйлайман. Чунки мухлислар ҳужумкор учрашувнинг гувоҳига айланишди. Шахсан менга ҳам баҳс ёқди, - дейди Бозоров.

"Оқ-тепа" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +1