Расул Пайзов "Андижон"да кўрикдан ўтади

Сергей Шевченко давралар оралиғида рақобатни ошириш учун бир қатор ўйинчиларни синовдан ўтказмоқда. Олинган маълумотларга кўра, яқинда клуб расмийлари Тожикистон футбол федерациясига Расул Пайзов ҳақида хат юборган.

Буни ТФФ ҳам тасдиқлади. Айтишларича 22 ёшли футболчи Расул Пайзов Тожикистоннинг ўсиб келаётган иқтидорли футболчиларидан саналади. Бу футболчини бургутларнинг собиқ ўйинчиси Тоҳир Мўминов тавсия қилган. Ўз вақтида Шевченко қўли остида ўйнаган таниқли собиқ футболчи Мўминов устозининг яна "Андижон"да иш бошлаганидан хабар топиб, у билан алоқага чиққан. Шунда Тоҳир Мўминов маҳаллий футболчилардан Расул Пайзовни синаб кўриш таклифини билдирган.

Шу боис 22 ёшли ярим ҳимоячи яқин кунлар мобайнида "Андижон" қароргоҳига етиб келади ва кўрикдан ўтади.