Расмий хабар: Даврон Файзиев – "Қўқон-1912" бош мурабиийи!
09 июл 2022 19:31
Янгиликлар

Расмий хабар: Даврон Файзиев – "Қўқон-1912" бош мурабиийи!

Бу ҳақда қўқонликлар матбуот хизмати хабар берди.

"Бугун "Қўқон-1912" жамоаси раҳбариятида ташкилий масала кўриб чиқилди. Шу кунга қадар жамоа мураббийлар штабида ишлаб келган таниқли мутахассис Даврон Файзиев жамоа бош мураббийи этиб тайинланди.

"Қўқон-1912" жамоаси эртадан бошлаб Даврон Файзиев бошчилигида мавсумнинг иккинчи қисмига тайёргарликни бошлайди. Машғулотлар Тошкент вилоятининг Дўрмон посёлкасида бўлиб ўтади", – дейилади хабарда.

Аввалроқ 2019 йилдан буён жамоани бошқариб келган Бахтиёр Ашурматов ишдан кетгани ва иккинчи даврадан Даврон Файзиев жамоа бош мураббийига айланиши ҳақида хабар берган эдик.

Файзиев бунгача "Сўғдиёна", "Динамо" ва "Бухоро" каби клубларда фаолият олиб борган.

Ҳавола :

Манба : "Қўқон-1912" матбуот хизмати

Янгиликларни Телеграмда ўқинг!

Рейтинг: +2