Расмий хабар: Алишер Салимов - "Локомотив" футболчиси

Ўтган мавсумни "Сурхон"да ўтказган ўнг қанот ҳимоячиси Алишер Салимов бу йилдан "термирйўлчилар" сафида ҳаракат қилади. Ушбу футболчи икки йиллик шартномага имзо чекди.

Алишер Салимов 2019-2020 йиллар "Пахтакор" шарафини ҳимоя қилган, бироқ у "Сурхон"да ўзини яхши кўрсата олди. Хусусан ҳимоячи ўтган йил Суперлиганинг барча 26та турида майдонга тушишга муваффақ бўлди.

Маълумот учун: Алишер Салимов 1999 йил, 22 июлда туғилган.

Катта футболдаги фаолияти:
2019 йил. "Пахтакор" 5 ўйин
2020 йил. "Пахтакор" 3 ўйин
2021 йил. "Сурхон" 26 ўйин

Шу ўринда Алишерга "Локомотив"га хуш келибсан деб қоламиз ва унинг жамоамиздаги фаолиятига омад тилаймиз", - деб ёзади "Локомотив" матбуот хизмати.

Эслатиб ўтамиз, 27 декабрь куни Алишер Салимов "Локомотив"га ўтаётгани ҳақида хабар бергандик.