Расман: "Насаф" футболчиси "Навбаҳор"га ўтди

Умид Эргашев "Насаф" билан хайрлашди. У "Навбаҳор"га ўтмоқда

Бироз аввал якунланган мавсумда "Насаф" таркибида Ўзбекистон чемпионлигини қўлга киритган дарвозабон Умиджон Эргашев "Навбаҳор" билан шартнома имзолагани эълон қилинди.

Мазкур посбон 1999 йил 20 март куни Самарқанд вилоятида туғилган. "Насаф" клуби тарбияланувчиси. Қаршиликларнинг турли ёш тоифаларидаги жамоаларида тўп тепган, 2017 йилдан "аждарлар"нинг асосий таркиби дарвозасини қўриқлашни бошлаган.

Умиджон Эргашев Ўзбекистоннинг турли ёш тоифаларидаги жамоаларида ўйнаган, 2020 йилдан миллий терма жамоамизга номзод футболчи.

Маълумот учун, Эргашев ортда қолган мавсум "Насаф" таркибида Суперлига ва ОЧЛ 2 мусобақаларида 2та ўйинда майдонга тушган.