Sardor Mirzaev o'z vaqtida Toshkentning "Lokomotiv" jamoasi bilan O'zbekiston chempionati va O'zbekiston Kubogida sovringa ega chiqqan futbolchi hisoblanadi. U faoliyati davomida "Neftchi" (Farg'ona), "Lokomotiv" (Toshkent) va "Muangtong Yunayted" (Tailand) jamoalarida to'p tepgan.
Sardor Mirzaev o'tgan mavsum "Muangton Yunayted" safida 30 ta o'yinda maydonga tushib, 5 ta to'p kiritgan hamda sheriklariga 5 ta golli pas uzatgan. Butun faoliyati davomida esa futbolchi 244 ta uchrashuvda 63 ta gol urgan va 27 ta golli uzatma bergan.
