Франциялик футболчининг янги келишуви 2018/19 мавсум охирида якунига етади.
35 ёшли "Бавария" хавбеки "Твиттер" орқали қуйидагиларни маълум қилди:
"Бавария" билан 2019 йилгача бўлган янги шартнома имзолаганимдан хурсандман".
Рибери 2007 йилдан бери немис грандида тўп тепади. У "Бавария" таркибида саккиз карра Германия чемпионига айланди, Чемпионлар лигасида ғолиб бўлди, беш мартадан мамлакат Кубоги ва Суперкубогида зафар қучди, УЕФА Суперкубоги ва немис лига Кубогини қўлга киритди.
