Расман: Рэмсининг "Арсенал"даги фаолияти якунланди
01 май 2019 20:11
Янгиликлар

Расман: Рэмсининг "Арсенал"даги фаолияти якунланди

"Арсенал" ярим ҳимоячиси Аарон Рэмсининг жароҳати жиддий бўлиб чиқди.

Хабарингиз бор, Рэмси келаси мавсумни "Ювентус" жамоасида бошлайди. 28 ёшли уэлслик мавсум охирида "Арсенал" клуби билан тузган шартномаси якунига етади ва туринликлар таркибига эркин агент сифатида бориб қўшилади.

Унинг 18 апрель куни "Наполи"га қарши баҳсда олган жароҳати кутилганидан жиддий бўлиб чиқди ва мавсумнинг қолган қисмини ўтказиб юборади.

Қайд этиш керак, Рэмси 2008 йилда 4.8 миллион евро эвазига "Кардифф"дан "канонирлар" сафига келиб қўшилган. 11 йил давомида "Арсенал" шарафини ҳимоя қилган Аарон 369 ўйинда 64 та гол урган.