Расман: "Навбаҳор" Норхонов трансферини эълон қилди
05 янв 2023 14:21
Янгиликлар

Расман: "Навбаҳор" Норхонов трансферини эълон қилди

Наманган клуби ўз таркибини маҳоратли футболчилар ҳисобига тўлдиришда давом этмоқда.

Бугун жамоа сафига тажрибали ҳужумчи Шоҳруз Норхонов қўшилди.

Шоҳруз Норхонов 1993 йил 13 апрелда Тошкент шаҳрида туғилган.

Катта футболдаги фаолиятини 2012 йил Тошкентнинг "Оқ-тепа"сида бошлаб жамоада 2013 йилнинг якунигача тўп тепди. Кейин эса "Истиқлол" (Тошкент, 2014 йил), "Обод" (Тошкент, 2015-2016 йиллар), "Бунёдкор" (Тошкент, 2017 йил) клубларида ўйнаган.

2018 йилдан ўтган мавсум якунига қадар "Сўғдиёна" жамоасида тўп тепган. Тажрибали ҳужумчи 2018-2022 йиллар давомида жиззахликлар таркибида Coca Cola Суперлигада 121 та ўйинда майдонга тушиб, 10016 дақиқа тўп тепган ҳолда, 44 та голга муаллифлик қилган ва 3 та голга ассистентлик қилган.

Ўтган мавсум "Сўғдиёна" таркибида Суперлига баҳсларида 25 та ўйинда майдонга тушиб, 10 та гол урган ҳамда 4 та голга ҳаммуалифлик қилган.

Эслатиб ўтамиз, аввалроқ Норхонов "Навбаҳор" таркибига қўшилгани ҳақида маълумот тақдим этган эдик. Бугун эса мазкур хабар ўз тасдиғини топди.

Ҳавола :

Манба : "Навбаҳор" матбуот хизмати

Янгиликларни Телеграмда ўқинг!

Рейтинг: +21