Расман: "Аталанта" Алексей Миранчукни таништирди
04 сен 2020 19:41
Янгиликлар

Расман: "Аталанта" Алексей Миранчукни таништирди

Теглар : "Локомотив"Алексей Миранчук "Аталанта"

Ярим ҳимоячи Алексей Миранчук "Аталанта" футболчисига айланди.

Италия клуби футболчини "Хуш келибсан, Алексей" дея рус тилида кутиб олди.

Олдинроқ, Италия клуби ушбу трансфер учун 14,5 миллион евро тўлаши ва 24 ёшли футболчининг ўзи "Аталанта" билан 5 йиллик шартнома имзолаши маълум бўлганди. У йилига икки миллион еврога яқин пул олиши ҳақида маълумотлар чиққан эди.

Миранчук – "Локомотив" тарбияланувчиси. У клубдаги дебютини 2013 йил 20 апрелда "Кубан"га қарши ўйинда ўтказган. Ўйинчи "Локомотив" таркибидаги тўққиз мавсумда 228 учрашув ўтказиб, 43 та гол урган ва 45 та голга ассистентлик қилган.

Миранчук "Локомотив" билан биргаликда Россия чемпиони бўлди, уч марта Кубокни ва бир марта мамлакат Суперкубогини ютди.

Ҳавола :

Манба : atalanta.it

Янгиликларни Телеграмда ўқинг!

Рейтинг: +14