Расман: Абдулла Абдуллаев — АГМК футболчиси!
07 янв 2022 14:46
Янгиликлар
Расман: Абдулла Абдуллаев — АГМК футболчиси!
Олмалиқнинг АГМК клуби навбатдаги трансферини эълон қилди.
"Бунёдкор" футбол клуби тарбияланувчиси ҳисобланган ҳамда ушбу жамоада 4 мавсумни ўтказган ва 2022 йилдан эътиборан эркин агентга айланган ҳимоя ва таянч ярим ҳимояда ўйнайдиган — Абдулла Абдуллаев АГМК футбол клуби билан 2 йиллик шартнома имзолади.
"Абдуллаев 2018 йилги мавсумдан эътиборан "Бунёдкор"нинг асосий таркиб футболчиси сифатида ёрқин ўйинларни ўтказиб келди. Футболчи фаолияти давомида клуб тизимида жами 94 ўйин ўтказган ва рақиблар дарвозасига 2та гол уришга муваффақ бўлган.
Абдуллаев ўтган йилдан эътиборан Ўзбекистон терма жамоасининг муқим футболчисига айланди.
Эндиликда АГМК аҳил оиласининг аъзосига айланган Абдулла Абдуллаевга фаолиятидаги янги чақирув омадли ва муваффақиятли бўлишини тилаб, Олмалиққа хуш келибсан, Абдулла дея иқтидор соҳибини жамоамизга илиқ қабул қиламиз!", - дейилади клуб матбуот хизмати хабарида.
Абдулла Абдуллаев ҳақида қисқача маълумот: футболчи 1997 йил, 1 сентябрь куни таваллуд топган.
Эслатиб ўтамиз, бу ҳақда 2021 йилнинг 28 декабрь куни "Championat.asia"нинг "Эшитдик-да" рукни орқали хабар берган эдик.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар