Эшитдик-да! "Бунёдкор" футболчиси АГМКга ўтади
28 дек 2021 16:51
Янгиликлар

Эшитдик-да! "Бунёдкор" футболчиси АГМКга ўтади

Суперлига клублари янги мавсумга тайёргарлик жараёнини ва таркибни шакллантиришни бошлаб юборишган.

Ортда қолган мавсумни учинчи ўринда якунлаган АГМК жамоаси ҳам қишки таътилдан қайтган ва Тошкентда йиғинга киришган. Аввалроқ, жамоани Йован Жокич ва Ҳусниддин Ғофуров каби футболчилар тарк этишгани ҳақида хабар берган эдик.

Расман: Йован Жокич – “Навбаҳор” футболчиси!

Эшитдик-да! Ҳусниддин Ғофуров "Қизилқум"га ўтмоқда

"Championat.asia" сайтига маълум бўлишича, "Бунёдкор" клуби ва Ўзбекистон МТЖ аъзоси Абдулла Абдуллаев АГМКга ўтмоқда. Ёдингизда бўлса, 25 декабрь куни марказий ҳимоячи Аббос Отахонов олмалиқликлардан "Металлург"га қайтаётгани ҳақида хабар берган эдик. Отахоновнинг ўрнига Абдуллаев олиб келиниши кутилмоқда.

Эслатиб ўтамиз, 24 ёшли футболчи ўтган мавсум "Бунёдкор" таркибида Суперлигада 26та ўйинда 2267 дақиқа давомида майдонда ҳаракат қилган. Яъни, чемпионатнинг барча ўйинида тўп тепган ва "қалдирғочлар" сафида Суперлигада энг кўп дақиқа ўйнаган футболчи бўлган.