Рашидов билан Лобанов эртага Туркияга жўнаб кетади
17 фев 2014 21:18
Янгиликлар

Рашидов билан Лобанов эртага Туркияга жўнаб кетади

Хабарингиз бор, "Пахтакор" жамоаси навбатдаги ўқув йиғин машғулотини ўтказиш мақсадида шанба куни Туркияга жўнаб кетганди.

Эътиборлиси "шерлар"нинг бу сафарги хориж йиғинига яна дарвозабон Александр Лобанов бормаган. Бунга аниқлик киритиш мақсадида унинг мураббийи Анвар Рашидовга мурожаат қилдик.

"Чиндан ҳам 15 февраль куни Туркияга йўл олган делегация билан бирга хорижга кетмадик. Бунга виза билан боғлиқ муаммо сабаб бўлди. Лекин бугун мазкур муаммо ҳал этилди ва биз Лобанов билан бирга эртага Туркияга учиб кетиш учун ҳозирлик кўрмоқдамиз - дейди Анвар Рашидов. - Хабарингиз бўлса керак, бу вақт оралиғида дарвозабонимиз "Пахтакор-2" таркибида ПФЛ Кубогида иштирок этди. Айтиш керакки, биринчи лигадаги жамоамизнинг ПФЛ Кубогида ярим финалга чиқишида Лобановнинг ҳисса катта бўлди. Энди Туркияга кетадиган бўлсак, ярим финалда бошқа ёш посбонларга ишонч билдирилади", - дейди "СА"га берган интервьюсида Рашидов.

Ҳавола :

Манба : championat.asia

Янгиликларни Телеграмда ўқинг!

Рейтинг: