UZ

Сўнгги янгиликлар

01:12Суперлига-2025. Биринчи давранинг эсда қоларли лаҳзалари  0 00:45IBA раҳбари Кремлёв Смоловнинг жанжали ҳақида: "Футболчиларнинг интизоми билан боксчилар шуғулланиши керак"  0 00:26"Галатасарой" Осимхен учун 50+5 миллион евро таклиф қилди, "Наполи" кўпроқ сўраяпти  1 23:43Виталий Левченко: "Шартномам ноябрда якунига етади"  3 23:18Ҳаким Фузайлов: "Маҳаллий футболчилар Нарх ва Самиевлардан ёмон ўйнашмаяпти"  2 22:52Доннарумма агенти Нойернинг Мусиала жароҳати ҳақидаги сўзларига: "Мануэль 2014 йилда Игуаинни урганда ҳам, жароҳатланиш хавфини билиб турган"  2 22:26Шченсни "Барселона" билан янги битим имзолади  0 22:15Мбаппе судга берган аризасини қайтариб олди  4 22:00Суперлига. "Нефтчи" "Хоразм"ни мағлуб этди ва иккинчи ўринга чиқиб олди   37 21:07Акмал Мозговой БАА клубига ўтди  11 20:20Ўзбекистонлик ҳакамлар Президент кубоги (Индонезия) мусобақасида фаолият олиб боришади  1 19:47Анчелотти "Олтин тўп"га муносиб бўлган, лекин қўлга киритолмаган футболчи номини айтди  8 19:20"Антверпен" янги аъзоси Муҳаммадали Ўринбоев: "Ўзбекистонни янада танитишга ваъда бераман!"  27 18:49Расман: Муҳаммадали Ўринбоев – Бельгия клуби футболчиси!  15 18:35Доннарумма Мусиала туфайли психологга мурожаат қилди  2

Рашид Ғофуров: "Ҳакамлар 100% ўйин тизгинини бузди, ҳали бунга улар жавоб беради" Янгиликлар

Рашид Ғофуров: "Ҳакамлар 100% ўйин тизгинини бузди, ҳали бунга улар жавоб беради"

Про лиганинг 6-туридан ўрин олган "Шўртан" — "Навбаҳор-Фарм" учрашувидан сўнг меҳмонлар бош мураббийи Рашид Ғофуров матбуот анжуманида иштирок этди.

Ўйин ҳақида

- Бугунги ўйинни кўрганингиздек шиддатли кўринишда ўтди. Аввалги сўзларимни такрорлайман: олдида мақсади бор жамоага ҳакамлар ёрдами шарт эмас. Биз умидли ва ёш футболчилар билан олдинга интилаётган жамоамиз. Фақат тоза ўйин намойиш этишни хоҳлардик. Билмадим, яна ҳакамларга осилиш нотўғридир, лекин кўпчилик кўрган бўлиши мумкин, рақиб қўлига тўп тегса, ҳакам пенальти бермаяпти. Бир эмас, икки-уч вазиятларда пенальти белгиламади. Гавда билан ўйин намойиш этилган 50 га 50 вазиятларда бизнинг зараримизга фоль қайд этилмоқда. Устига-устак битта кам ўйнадик. Улар буни ҳис қилишмади ҳам. Агар шу футбол бўлса, билмадим... Ҳакамлар тоза футбол қўйиб беришса, бошқа ҳеч қандай эътирозимиз йўқ. 

- Бугунги ўйинда 10 киши бўлиб ўйнаш қанчалик ноқулайлик туғдирди?

- Камчилик бўлиб ўйнаш фақат бизга эмас, барча жамоага қийинчилик туғдиради. 10 киши бўлиш эса режаларни бузиб юборади. Шундан сўнг ўзгаришлар қилишга тўғри келди. Шундай бўлса-да, шогирдларимга миннатдорчилик билдираман, чунки улар бор кучи билан ўйнади. Ҳатто камчилик қолганимизга рақибга сездирмади. Ҳисоб ўйинга мос бўлмади. Рақибга нисбатан бизда кўпроқ имконият юзага келди. Ўйин сўнгида чарчоқ ҳам бироз панд берди, негаки бир киши икки кишининг ишни майдонда бажаришига тўғри келди. 

- Иброҳим Ғанихонов ва мураббийлар штабига қизил карточка кўрсатилган вазият қай тариқа бошланди? Қўпол сўзлар учун улар четлатилдими?

- Мураббийлар штабидагилар нима деганини эшитганим йўқ. Балки чиндан ҳақоратли сўзларни ишлатган бўлса, адолали равишда четлатилгандир. Лекин майдондаги футболчига иккинчи сариқ карточка кўрсатишга арзигулик вазият эмасди. Ўйинда ҳакамга имконият қолдирмаслик керак. 2-3 та гол ур, унга оғирлик тушмасин. Бу вазиятни кўриб чиқамиз. 

- Учрашув карточкаларга бой ўтди. Бу футболчиларнинг тартибсизлигиданми ёки бошқа сабаби борми?

- Тартиб жиҳатдан деса нотўғри бўлади. 10 киши ўйнаётган жамоада ҳакамлар арзимаган вазиятда ҳам тўпни рақибга олиб бераверса, исталган киши қуюшқондан чиқиб кетади. Шу боис, асаблар жиловланмаган бўлса керак. Аслида, деярли барча сариқ карточка кўрсатилган вазиятлар қаршимда юз берди, огоҳлантиришга тортадиган ўйин бўлгани йўқ. Ҳакамлар 100 % ўйин тизгинини бузди, ҳали бунга улар жавоб беради. "Шўртан"га ҳеч қандай эътирозим йўқ. Лекин ҳакамлар чиройли футболга халақит берди.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика