Рашфорд МЮ билан музокараларни тўхтатди

Маълумотларга кўра, 21 ёшли футболчи клубнинг келажакдаги режаларида борлигига ишонч ҳосил қилмоқчи. "Манчестер Юнайтед" бош мураббийи Уле-Гуннар Сульшер эса ёзда жамоада катта ўзгаришларни амалга ошириш ниятида. Эслатиб ўтамиз, Рашфорднинг "қизил иблислар" билан шартномаси 2020 йилнинг ёзида якунига етади. Битимда ҳамкорликни автоматик тарзда бир йилга узайтириш банди мавжуд. Агар томонлар келиша олишмаса, клуб ушбу имкониятдан фойдаланмоқчи. "Манчестер Юнайтед" раҳбарияти Рашфорд билан шартномани 2 йилга узайтирмоқчи.

Рашфорд МЮ тарбияланувчиси ҳисобланади. Жорий мавсум футболчи ўз клубида 47та учрашув ўтказиб, 13та гол урди ва 9та голли пас берди.