Рангник Роналдуни сардор этиб тайинламайди

Немис мутахассиси ушбу мавзу бўйича инглиз нашрларининг барча хабарлари ёлғон эканлигини маълум қилди.

“Мен ҳеч қачон бирорта футболчи билан сардорлик боғичини ўзгартиришни муҳокама қилмадим. Бу борада муаммо бўлгани йўқ. Ким сардор бўлишини мен ҳал қиламан. Гарри Магуайр ҳозирда жамоа сардори ва шундай бўлиб қолади", — деди Рангник матбуот анжуманида.

Эслатиб ўтамиз, аввалроқ Гарри Магуайр ва Криштиану Роналду ўртасида "Манчестер Юнайтед" сардорлиги учун можаро юзага келгани ҳақида миш-мишлар тарқалганди. Хабар қилинишича, португалиялик форвард шахсан Рангникга уни сардор этиб тайинлаш илтимоси билан чиққан.