Ҳозирча томонлар янги шартнома бўйича келишувга эришгани йўқ. Рамос йилига 12 млн евро маош (солиқлардан ташқари) билан 2 йиллик битим имзоламоқчи. "Реал" ҳозирча бу вариантга рози бўлгани йўқ, дея хабар тарқатди журналист Фабрицио Романо.
Таъкидланишича, Рамос ушбу масалани "Реал" президенти Флорентино Переснинг ўзи билан муҳокама қилади.
Испаниялик футболчи жамоани янгиланган "Сантьяго Бернабеу" ўйингоҳига бошлаб чиқадиган биринчи сардори бўлишни хоҳламоқда. Арена 2022-23 йилги мавсумда фойдаланишга топширилади.
34 ёшли футболчи "қироллик клуби" таркибига 2005 йилда "Севилья"дан келиб қўшилган эди.
