Эрнесто Вальверде шогирдлари Испания чемпионатининг дастлабки уч турида ғалабага эришишди. Бундан ташқари, каталонияликлар Чемпионлар лигаси гуруҳ босқичининг илк турида "Ювентус"ни 3:0 ҳисобида таслим этди.
"Нима бўлди? Деярли ҳеч нарса. Шунчаки "Реал"га қарши Испания Суперкубоги учун баҳсларда майда хатолар кўзга кўринди. Айниқса биринчи баҳсда ."Реал"дан учралган мағлубият "Барселона" футболчиларини бирлаштирди ва миллий чемпионат ва Чемпионлар лигасида муваффақиятли старт олишимизга имкон берди" - дейди Ракитич.
"Реал" Испания Суперкубоги учун илк баҳсда "Барселона"ни ўз майдонида 3:1 ҳисобида таслим этди. Жавоб учрашувида каталонияликлар яна 2 та гол ўтказиб юбориб, бирор маротаба жавоб қайтара олишмади.
