Ракитич: “Мақсадим – “Барселона”да қолиш”

“Энг муҳим савол – “Барселона”да ўйнашда давом этаманмани?! Шуни айтишим керакки, “Барселона” мен учун энг муҳим манзил. Келажакда нима бўлишини кузатамиз. Мен бу ерда беш ярим йилдан буён тўп тепаяпман. Барселонада ажойиб кунларни ўтказдим ва ишонаманки олдинда бунданда ёруғ кунлар бор.

Бор эътиборимни клубимга қаратганман. Албатта, футболда ҳар доим ҳар қандай ҳолатга тайёр туриш лозим, аммо мақсадим шу ерда қолиш. Бу клуб шарафини ҳимояч қилаётганимдан хурсандман ва бу билан фахрланаман”, дея 31 ёшли футболчининг сўзларидан иқтибос келтирмоқда Sportske Novosti.

Эслатиб ўтамиз, Ракитич 2014 йилнинг июлидан бошлаб “Барселона” сафида тўп тепиб келмоқда. Футболчининг клуб билан амалдаги шартномаси 2021 йилнинг ёзига қадар тузилган. Жорий мавсумда хорватиялик футболчи Испания Примеросида 12 та учрашувда 2 та голли узатмани амалга оширди.