Рафаэль Варан: "Реал"га ўтганимда депрессияга дуч келганман"

– Фаолиятингизда бундай муаммоларга илк бор қачон дуч келгансиз?

– "Реал"га ўтганимда 18 ёшда эдим, менда нормал ўсмирлик даври бўлмаган. Мен ёлғиз эдим, доимий равишда машғулот қилардим ва деярли ўйнамасдим. Орзуим қўлдан чиқиб кетаётганини ҳис қилардим. Бор эътиборимни майдонга қаратардим, аммо кейин уйга қайтишни хоҳламасдим. Тушкунликка тушиб қолгандим. Мени бошқа ҳеч нарса хурсанд қилмасди.

– Ўша пайтда бу ҳақда ким биландир гаплаша олармидингиз?

– Йўқ, мен учун бу тўланиши керак бўлган товон эди. Муваффақиятга эришиш учун бундан ўтишим керак деб ўйлардим. Эндигина фаолиятимни бошлагандим ва ўзимга минг хил савол берардим: "Бу ерга келиб тўғри қилдимми? Кетишим керакми? Бу ҳақда айтишим керакми?". Ҳамма нарса барбод бўлаётганини ҳис қилиб, ёлғизланиб қолгандим, – деди Варан.