Қўқонда “Пахтакор-79” хотираси учун фахрийлар ўртасидаги ўйин бўлиб ўтди

"Пахтакор"чиларнинг 1979 йилдаги фожиали ҳалокатига 40 йил тўлиши муносабати билан вилоятнинг иккита номдор жамоаси фахрийлари ўзбек футболи ватани – Қўқон шаҳрида хотира учрашувида майдонга тушдилар. Ўтказилган мазкур ўйинда қўқонлик фахрий футболчилар ғалаба қозондилар. Бугунги учрашувда натижа муҳим эмас, балки ўтган пахтакорчилар хотирасини ёдга олиш, уларнинг руҳи олдида ҳурмат бажо келтириш энг асосий мақсад эди. Ва бу амалга ошди. Машҳур футболчилардан иборат ҳар иккала жамоа аъзолари сукут сақлаб марҳум пахтакорчиларни ёдга олдилар.