"Қўқон-1912"га тегишли майдон янгиланмоқда
26 дек 2023 16:35
Янгиликлар
"Қўқон-1912"га тегишли майдон янгиланмоқда
Клубда келаси йил Суперлигага ҳар жиҳатдан тайёр бўлиб чиқишни мақсад қилган ҳолда режалар ишлаб чиқилди. Ўзбекистон профессионал футбол лигаси сўнгги йилларда Суперлига ҳамда Про лига жамоаларига стадионлар ёритиш тизими ва майдон чими борасида жуда катта талабларни қўйиб бормоқда. Бунинг натижасида республикамизда халқаро даражадаги ўйинларни ўтказиш талабларига жавоб берадиган стадионлар кўпайиб бормоқда. Албатта, яхши ва сифатли майдонда сифатли футбол бўлади.


Хабарингиз бор, ўтган мавсумда Қўқондаги "Марказий" стадиони ёриткичлари янгитдан замонавий лампалар билан жиҳозланиб, стадион электр тизими тубдан янгиланган эди.
Келгуси мавсумда жамоа раҳбарияти "Марказий" стадион ёритиш тизимини янада яхшилаш билан бирга, майдон чимини янгилашни ҳам мақсад қилган. "Марказий" майдони қайтадан янгилаб чиқилади. Дренаж тизими, суғориш тизими бутунлай янгиланиб, автомат суғориш тизимига ўтилади. Майдон чими ҳам янгитдан уруғ сепилиб, қишин-ёзин ям-яшил ҳолатда бўлиши таъминланади.


Бугунги кунда "Марказий"да демонтаж ишлари бошланиб кетган. Майдондаги ишлар билан республикамиздаги кўплаб стадионларни, жумладан, Фарғонадаги "Истиқлол", Андижондаги "Бобур Арена" каби стадионларни гўзал ҳолатга олиб келган мутахассислар шуғулланишади.
Шунингдек, "Марказий" стадионига яқин бўлган жойда машғулотлар учун алоҳида чимли, стандарт майдон ҳам қуриш режага киритилди.
Ўхшаш янгиликлар
championat.asia
Cуперлига. "Нефтчи" Фарғонада "Сурхон"ни мағлуб этиб, чемпионлик учун курашни давом эттирадиган бўлди
Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган
Суперлига. "Шўртан" голларга бой ўйинда ОКМКни мағлуб этди
ЎзФҲМ Найим Қосимовга финалдаги ҳаракатлари учун неча баҳо қўйгани маълум
Фикрлар