“Қўқон-1912”нинг кучлилар сафига чиқишида улкан ҳисса қўшган 21 ёшли ўйинчи Олий лигада ҳам ўзини йўқотиб қўймади. Кўплаб ўйинларда Дониёрнинг тиниб-тинчимаслиги жамоасига катта фойда келтирди. Бунинг самараси улароқ у Ўзбекистон олимпия терма жамоасидан таклиф олди. Усмоновнинг “Нефтчи” дарвозасига киритган тарихий голини эса қўқонлик мухлислар узоқ вақт эслаб юришса ажаб эмас.
Қўқонлик футбол ихлосмандлари Дониёрни янги мавсумда ҳам “Қўқон-1912” жамоасида қолишини истаётганлари аниқ.
