"Қўқон-1912": Мухлислар ёқимтойи – Сардор Эминов

Ушбу ўйинчиларнинг аксарияти клуб раҳбарлари, мураббийлар штаби ва мухлислар ишончини оқлай олишди. Мана шундай футболчилардан бири – Сардор Эминовдир.

Ушбу ярим ҳимоячи биринчи даврадаги чиройли ўйнлари орқали қўқонлик мухлисларнинг меҳрини қозона олганди. Ўзининг ажойиб дриблинглари билан рақибларни шошириб қўйганди. Шунинг учун кўплаб ишқибозлар орасида уни терма жамаоага таклиф этиш лозим, деган фикрлар ҳам янгради.

Бироқ иккинчи даврани Эминов у қадар яхши ўтказа олмади. 28 ёшли ярим ҳимоячи 16-турда “Динамо” дарвозасини ишғол этди. Кейин эса унинг ўйинида пасайиш юзага келди. Натижа айрим учрашувларда Эминов захирада қолдирилди.

Аммо шундай бўлишига қарамай, Сардор Эминов қўқонлик мухлисларнинг ёқимтойига айланиб улгурди.