No'mon Hasanov shogirdlari “Viloyat Hokimi Kubogi-2017″ning hal qiluvchi o'yinida “Istiqlol”ga qarshi maydonga tushib, 2:0 hisobida g'alaba qozonishdi.
“Viloyat Hokimi Kubogi-2017” finaliga bag'ishlangan fotomaqola bilan tanishing:
Final uchrashuvi katta bayramga aylanib ketdi. O'yindan oldin taniqli xonandalar o'zlarining qo'shiqlari bilan stadionga yig'ilgan muxlislarni xursand etishdi.
Uchrashuvdan oldin har ikki jamoa esdalik uchun suratga tushishdi.
O'yin boshlanishidan oldingi ananalar.
Oybek Rustamov finalni ham yuqori saviyada o'tkazdi.
Futbolchimizning qaysi uslubidagi zarbasiga biroz aniqlik yetishmadi.
Bahodir Pardaev doimgidek faol. Lekin unga bu safar gol kiritish nasib etmadi.
Suhrob Berdiev hisobni ochishga muvaffaq bo'ldi.
Nikola Valentich bor marohatini ishga solishga harakat qildi.
Oldingi uchrashuvlarda raqiblar darvozasini ishg'ol etgan Filip Rayevac finalda gol kirita olmadi.
O'sha Bartez laqabi bilan mashhur bo'lgan Doniyor Usmonov birinchi liganing yangi vakili sharafini himoya qilmoqda.
Murod Xolmuhammedov yangi hujumni boshlash arafasida.
Uchrashuv mana shunday keskin kurashlar ostida o'tdi.
“Istiqlol”ning yana bir yulduzi – o'sha Meksika qahramonlaridan biri – Davlatbek Yorbekov.
Ikkinchi gol raqib darvozasiga kiritildi.
“Istiqlol” bosh murabbiyi Noil Gubanov o'yinni hayajon bilan kuzatib bormoqda.
Farg'ona Futbol federatsiyasi birinchi vice-prezidenti Tohir Kapadze taqdirlash marosimini ochib berdi.
Jamoamiz yetakchisi Jalil Kimsanov – bosh sovrinni qabul qilib olmoqda.
Ular Farg'ona viloyat hokimligining qimmatbaho sovg'alari bilan taqdirlanishdi.
Bosh sovrin bilan birga esdalik uchun surat. Bunday onlar uchun boringni bersang arziydi. Qo'qonda katta bayram. Bu kun Qo'qon futboli tarixida unutilmas kun sifatida qolajak.
Final uchrashuvi qahramoni “Sport” telekanali uchun intervyu berdi.
Uchrashuvni “FarDU” stadionida uch mingdan ziyod muxlis bevosita stadionda tomosha qildi. Bunday holatga oliy liganing ayrim klublari havas qilsa arziydi. “FarDU” stadioniga kelganlar shiddatli bahsning guvohiga aylanishdi.
Qo'qonlik futbol muxlislari esa uylariga xursand holda qaytishdi. Ularning quvonchi bardavom bo'lishini tilab qolamiz.
